امي انا يا حليل امي **** غيره منو البشيل همي { ما اروعك أمي }

أعجبتني الكلمات نقلتها لكم

امي انا يا حليل امي **** غيره منو البشيل همي
سعادة الدنيا متلمي **** في أحضانا منجمي
يا حليل امي

بعدك يمه زاد همي **** روحت وتهت في وهمي
زاد المي وكتر ندمي *** طويت الدنيا بي قدمي
عساه لعل يزول ألمي

بعدك يمه شن القول **** دنياي بالعرض بالطول
ياكي دراي من المجهول **** ولي هدايا بالمعقول
مطرك ليها مافي نزول **** في بحر الضياع مقتول
يمر الحول وبعده الحول **** حالي البي مو حال زول
يا حليل أمي
***************

يمه انا ما لقيتي دليل **** وتهت انا في مساري الليل
انهديت عدمت االحيل **** حلمي تقيل ودمعي يسيل
تسد عبرات ومافي بديل **** يومي عمري كلو رحيل
يا حليل أمي
***************

أمي انا يا حليلا دوام **** حليلا دوام دوام محزون
كتير يا ذاتي انا المشتاق **** انا المشتاق انا الممكون
يمه انا والحنين دفاق **** ريدك كيف عليا يهون
نبت جوايا في الأعماق **** جوه اعماقي سو غصون
شيلي سلامي يا نسام **** طوف بي عبير الكون
وتوه تفتح الازهار **** فوقو يغرد الحسون

يا حليل أمي

» حليل أمي ...... عبدالله حسن مدني