انا شان تردي

أنا شان تردي علي و أجيك
رضيان أعيش جوال
أفتش أي دخلة تجيبني ليك
بس ردي بس
خلي الشمس تشحن أشعتها بمجيك
أنا ظني أنو القمرة يوم قطعت شحن
كان جابوا ليها السيرة بالحالة العليك
اترفقي بحال النجوم
أنا شوفي ليهم والرزاز
بيكوسوا في تحويل رصيد
في نور عينيك
اتلحلحي
طلي وعلينا اتفرهدي
أنا كنت دايرك للكدر يوم يتصل
تبقيه خارج الخدمة والرد ينسمع
هذا الحزن لا يمكن وصوله إليك
بس ردي بس ...
صحي الرسائل والصور
خلي القلب ذاكرته ترسل لبهاك
نغمات تشابه وجنتيك
يا جنتيك ...
مقطع يجيك لو تقبليه
يتشابى لمن يحتويك
بس أقبليه
خليهو يتصور معاك
دسيهو في ألبوم هواك
لو تحفظيهو
سميه بإحساسي داك
واحد مريدك ومصطفيك
أنا شان تردي علي واجيك
رضيان أعيش جوال
أفتش أي دخلة تجيني ليك
بس ردي بس !!!

يا سلام عليك