دموع الوجع

دموع الوجع
نزلت علي خدي زي السيل
دفيانة تحفر جوة مسام الروح
و تاني اشيل نفسي ويابة اطلع
من صدري اقول لي خلاص
تعبت من تنهيدة دوام ساكني
يا قلبو اقيف واحزن خلاص
فاتو الحبيب فاتو الرفيق
يا ناس من البسقي العروق بالدم
من البرفع جفون الوجعة والاحساس
من البسال علي حالي
منو البصابحني بالبسمات
واملا الجوف كلام تحنان
يشد وتر الفرح جواي
ويدفن سكة الاحزان
منو القادر اكون واقف
اغطيني واسترني
واشيل من جلدو اديني
ويهواني اكيد الحسرة شلتني
وخلت ضمير الريد اوجعني
ويعزبني واقول لي تقيف لي شنو
ما خلاص الريدة تعبتني
وداير ارتاح وانوم
وارتاح واحلم بي بنية عديلة
دغرية تشيل اسمي وترسمني
في خاطر السعادة انسان بسيط
وحنون بحب شان القلب يسعد
ما بقسا ولا بيخون او بفوت
اصيل دايما بيبقي حريص علي العشرة
علي الايام علي الذكري
وبرجع تاني لي حسي
واقول لي روحي لوكي الصبر
لانو حراقك تعب روحي
بالحسرة والاشجان
بكيت رويت الوطه بي دمعي
وارفع ايدي واعين ليها في عينيها
ارفع فاتحة علي قلبي
واقول امييين ...

يا سلام عليك يا راقى


آمــــــــــــــــين



تقبل مروري