حلمنتيش حناكيش

موضوع: حلمنتيش حناكيش الجمعة أبريل 15, 2011 3:50 am

حنكوشه
حنكوشة يوم جات البلد
جات الفريق
بيت النمل داخلاهو
يوم جات بي الغلط
الباب نقر كو كو كرو
فتحتو ليك شفت العجب
مخلوق غريب
شكل عجيب
منكوشة كيف
تسريحة كيف
ألوانو كيف
خلقتو لا بت لا ولد
عينيها زي عينين بقرة فريقنا
الفي طريقة كم نطحت ولد
مافيش كضوم
مافيش جضوم
مافيش صدر
مافيش ضهر
قدوما داك ماداهو مد
صارا الوجيه من غير زعل
صاراهو ليك صاراهو صر
بي الحسرة بس
بتموت كمد
حنيكة زي حنك العتوت
وغريبة تصقع في اللبان
طق طق طرق
طق طق طرق
شيطان عديل
تقرارو بس سورة المسد
********
نكات حنكوشية
***
الحناكيش طالعين مظاهرة في الخرطوم برددوا
{مافيش زيتون مافيش جبنه ... أونكل عمر ما عاجبنا}
****
حنكوشة مات ابوها اهـ اهـ يااااي يااااي يابابي وحشتنا وشرفت المقابر
****
حنكوشة شادة الجماعة قالت والله يوم ماشين انا وحمادة لاقتنا غنماية ولا سوت لينا حاجة
****
حنكوشة مشت الريف قالت عايزة تشوف اللبن بطلعو كيف جابوا الغنماية حلبوها قدامة.. الغنماية {بعرت} قالت الحنكوشة ... وكمان بطلع زيتون.
...